ससून रुग्णालय परिसरात स्वतंत्र शासकीय कर्करोग रुग्णालय उभारण्यात येणार असल्याची माहिती वैद्यकीय शिक्षणमंत्री हसन मुश्रीफ यांनी गुरुवारी विधानसभेत प्रश्नोत्तराच्या तासात दिली.
सदस्य भीमराव तापकीर यांनी ससून रुग्णालयाबाबत प्रश्न उपस्थित केला .
या चर्चेत विरोधी पक्षनेते विजय वडेट्टीवार, जयंत पाटील, यशोमती ठाकूर, अनिल देशमुख, विश्वजित कदम, अशोक पवार यांनी भाग घेतला.
ससून हॉस्पिटल परिसरात नवीन सरकारी कॅन्सर हॉस्पिटल तयार होणार आहे
मुश्रीफ म्हणाले की, ससून रुग्णालयात बॅरिएट्रिक सर्जरीचे डॉक्टर उपलब्ध करून देण्यात आले आहेत .
नवजात बालकांच्या उपचारासाठी डॉक्टरांची संख्या पुरेशी असून, अतिदक्षता विभागात खाटांची संख्या वाढवण्यात येणार आहे.
ससूनमधील सुविधा आणि सद्यस्थितीबाबत चर्चा करण्यासाठी पुणे शहरातील सर्व लोकप्रतिनिधींची बैठक घेऊन रुग्णालयाचा पाहणी दौरा आयोजित करण्यात येणार आहे.
मेडिकल कॉलेज आणि हॉस्पिटलमधील रिक्त पदे भरण्याची प्रक्रिया ‘ MPSC ‘ मार्फत केली जात आहे.
गट ‘क’ मधील सर्व रिक्त पदे भरण्यात आली आहेत.
स्थानिक स्तरावरील जिल्हाधिकाऱ्यांना गट ‘ड’ पदाच्या रिक्त जागा भरण्यासाठी कंत्राटी पद्धतीने अधिकार देण्यात आले आहेत.
मेडिकल कॉलेज हॉस्पिटलमधील औषध खरेदीचे अधिकार प्राचार्यांना देण्यात आले आहेत.
त्यामुळे औषधांची तातडीची गरज भासल्यास स्थानिक पातळीवरूनच खरेदी केली जात आहे.
औषधे मिळत नसल्याने रुग्णांची गैरसोय होऊ नये, यासाठी हा निर्णय घेतल्याचे मुश्रीफ यांनी सांगितले.
