बदलापूरच्या शाळेत साडेतीन वर्षांच्या मुलींवर झालेल्या अत्याचार प्रकरणानंतर महाराष्ट्राचे उपमुख्यमंत्री आणि गृहमंत्री देवेंद्र फडणवीस यांनी या गंभीर घटनेबाबत त्वरित प्रतिक्रिया दिली आहे. फडणवीस यांनी या प्रकरणाच्या आरोपींवर कठोर कारवाई करण्याचे स्पष्ट आदेश दिले असून, खटला फास्ट ट्रॅक कोर्टात चालवण्याचा निर्णय घेतला आहे.
या संदर्भात फडणवीस यांनी ठाण्याचे पोलिस आयुक्त यांना आदेश दिले आहेत की, आरोपींवर कठोर कारवाई करून न्याय मिळवण्यासाठी जलद गतीने न्यायालयात खटला चालवावा. तसेच, या प्रकरणाने संपूर्ण महाराष्ट्रात तीव्र पडसाद उमटत आहेत, ज्यामुळे या प्रकरणावर कठोर पावले उचलण्याची गरज असल्याचे त्यांनी अधोरेखित केले आहे.
Read Also – Pune Crime : १२ वर्षीय मुलावर अनैसर्गिक लैंगिक अत्याचार, पहाटे ५ वाजता टीव्ही रूममध्ये
याचबरोबर, काँग्रेसच्या मुंबई अध्यक्ष वर्षा गायकवाड यांनी या प्रकरणावरून सरकारवर टीका केली आहे, त्यांनी म्हटले आहे की राज्यात महिलांची सुरक्षा धोक्यात आहे आणि सरकारला यावर कठोर उपाययोजना करायला हवी.
